Temperaturat e larta të verës kërkojnë më shumë kujdes në mënyrën e të ushqyerit. Specialistët këshillojnë që në këtë periudhë të favorizohen ushqimet e freskëta, të pasura me ujë, vitamina dhe minerale, të cilat ndihmojnë organizmin të qëndrojë i hidratuar dhe plot energji.
Në tryezën e përditshme nuk duhet të mungojnë shalqiri, pjepri, kastraveci, domatet, pjeshkët dhe frutat e pyllit, pasi përmbajnë një sasi të lartë uji dhe antioksidantësh. Gjithashtu, sallatat e freskëta, kosi, kefiri dhe peshku janë zgjedhje të mira për vakte të lehta që nuk rëndojnë organizmin.
Ekspertët rekomandojnë edhe konsumimin e sa më shumë ujit gjatë ditës, ndërsa duhen kufizuar pijet me shumë sheqer, alkooli dhe ushqimet e skuqura apo shumë të yndyrshme, të cilat mund të rrisin ndjesinë e lodhjes dhe dehidratimit.
Një regjim i balancuar ushqimor, i kombinuar me hidratim të mjaftueshëm, ndihmon jo vetëm në përballimin e temperaturave të larta, por edhe në ruajtjen e shëndetit gjatë gjithë sezonit veror.
