Një 26-vjeçar, shtetas holandez i lindur në Somali, i shpallur në kërkim nga autoritetet britanike për akuza të rënda penale, është arrestuar në aeroportin e Frankfurtit në Gjermani.
Sipas policisë federale gjermane, arrestimi u krye menjëherë pas mbërritjes së tij nga një fluturim ndërkontinental nga Addis Ababa, Etiopi. I dyshuari ishte në kërkim ndërkombëtar nga Mbretëria e Bashkuar që prej dhjetorit të vitit 2023.
Autoritetet britanike e akuzojnë 26-vjeçarin për përdhunime të përsëritura ndaj motrës së tij, e cila në kohën e ngjarjeve ishte 13 vjeçe. Sipas hetimeve, veprat penale dyshohet se kanë ndodhur gjatë vitit 2020, në periudhën kur ai jetonte në Britani.
