E shtuna, 25 prill, pritet të sjellë një ditë tipike pranverore në Shqipëri, me mot të qëndrueshëm dhe dominim të kthjellimeve në pjesën më të madhe të territorit. Sipas parashikimeve të Shërbimi Meteorologjik Ushtarak, vetëm në zonat malore lindore mund të shfaqen herë pas here vranësira të lehta gjatë mesditës dhe pasdites, pa ndikim të ndjeshëm në mot.
Temperaturat do të lëvizin në nivele tipike për këtë periudhë: mëngjeset do të jenë të freskëta, me rreth 4°C në zona si Korça dhe Bulqiza, ndërsa në bregdet, në qytete si Vlora dhe Saranda, minimumet do të jenë më të buta, deri në 11°C. Gjatë mesditës, temperaturat do të ngjiten deri në 25–26°C në shumë qytete, përfshirë Tirana, Durrësi, Fieri dhe Elbasani.
Era do të fryjë e lehtë deri mesatare nga verilindja në veriperëndim, me shpejtësi rreth 8 m/s. Në detin Adriatik dhe Jon, valëzimi do të jetë i ulët, duke krijuar kushte të mira për lundrim dhe aktivitete detare.
Në përgjithësi, dita parashikohet e favorshme për aktivitete në natyrë dhe udhëtime.
