Shumë njerëz e nisin ditën me kafe menjëherë sapo zgjohen, por ekspertët thonë se kjo nuk është koha ideale. Sipas studimeve, momenti më i mirë për të pirë kafe është rreth 60–90 minuta pasi zgjoheni.
Kjo ndodh sepse niveli i hormonit të stresit, kortizolit, është më i lartë në minutat e para pas zgjimit. Pirja e kafesë gjatë kësaj kohe mund ta bëjë efektin e saj më të dobët dhe mund të rrisë varësinë nga kafeina.
Specialistët rekomandojnë që kafeja të konsumohet rreth orës 9:30–11:30 në mëngjes ose në fillim të pasdites, kur energjia e trupit fillon të bjerë. Në këtë mënyrë, kafeina ndihmon më shumë për përqendrim dhe energji gjatë ditës.
Megjithatë, këshillohet që kafeja të shmanget pas orës 16:00, pasi mund të ndikojë në cilësinë e gjumit.
