Pas një seance të gjatë që zgjati rreth 12 orë, Kuvendi i Shqipërisë miratoi projektligjin për parandalimin e pastrimit të parave me 76 vota pro.
Gjatë të njëjtës seancë, u hodhën poshtë edhe dy nisma të propozuara nga Partia Demokratike dhe Partia e Lirisë për ngritjen e komisioneve hetimore parlamentare.
Kërkesa për hetim ndaj Autoritetit Rrugor Shqiptar nuk mori mbështetjen e shumicës, duke u rrëzuar me 75 vota kundër dhe 28 pro. Po ashtu, e njëjta fat pati edhe nisma për hetim ndaj AKSHI-t, e cila u refuzua me 76 vota kundër përballë 28 votave pro.
Vendimmarrja u dominua nga votat e shumicës, duke mos lejuar ngritjen e këtyre komisioneve hetimore.
