Diferenca të mëdha shfaqen edhe në kategori të tjera të sëmundjeve. Sëmundjet e aparatit të tretjes përbëjnë 4.4% të vdekjeve në BE, ndërsa në Shqipëri vetëm 0.8%, një diferencë prej gati 5 herë më pak. Edhe sëmundjet e sistemit nervor përbëjnë një pjesë më të madhe të vdekjeve në BE (6.5%) krahasuar me Shqipërinë (rreth 1.2%).
Nga krahasimi duket qartë se në Shqipëri dominon qartësisht impakti i sëmundjeve të zemrës, ndërsa në vendet e Bashkimit Europian vdekjet janë më të shpërndara midis sëmundjeve kardiovaskulare, tumoreve dhe sëmundjeve të tjera kronike. Kjo mund të lidhet me faktorë të ndryshëm, si:
- Faktorë të stilit të jetesës: dieta, niveli i aktivitetit fizik, duhanpirja.
- Disponueshmëria dhe cilësia e kujdesit shëndetësor: diagnostikimi i hershëm dhe trajtimi i sëmundjeve kronike.
- Faktorë socio-ekonomikë dhe mjedisorë: stres, papunësi, ndotje e ajrit, akses në ushqim të shëndetshëm.
Ky tregues tregon një nevojë urgjente për politika shëndetësore që fokusohen te parandalimi dhe menaxhimi i sëmundjeve kardiovaskulare në Shqipëri, për të ulur ndjeshëm normën e vdekjeve nga këto sëmundje.
